Newborn Clothes Checklist – What You Really Need (And What You Don’t)

Hospital bag pack kar rahe ho? Ya ghar par naya mehmaan aane wala hai? Ruko. Pehle ye checklist padh lo. Bahut se parents over‑pack karte hain ya over‑buy karte hain. Main batata hoon ki actually kitne kapde chahiye hote hain first month mein – Ludhiana mein apne customers se suni baaton ke hisaab se.

1. Bodysuits (6-8 pieces)

Yeh sabse important hai. Diaper change karte waqt easily open kar sakte ho. Hamare newborn bodysuits envelope neck ke hote hain – head se easily slide hote hain. Size 0-3M best rahega, kyunki newborn size 2 hafte mein chhota padne lagta hai.

2. Rompers (4-5 pieces)

Day wear ke liye perfect. Crotch snaps hain to diaper change easy. Winter mein full sleeve, summer mein sleeveless. Hamari site par rompers ka alag section hai (link).

3. Swaddles / Receiving Blankets (3-4 pieces)

Baby ko secure feel karwane ke liye. Cotton jersey swaddles sabse comfortable hain. Humari site par abhi swaddles listed nahi hain, lekin aap kisi bhi soft cotton wrap ka use kar sakte hain.

4. Mittens & Booties (2-3 pairs)

Baby apne chehre ko nail se scratch kar sakta hai. Mittens zaroor rakho. Booties socks se better hain, kyunki wo rehti hain pairon mein.

5. Caps (2-3 pieces)

Newborn ke sar se bahut heat loss hoti hai. Ek light cotton cap sar dhakne ke liye kafi hai. Ghar mein bhi use karo agar AC chalta hai.

6. Night Suits / Sleepsuits (3-4 pieces)

Raat mein baby ko full covered rakho. Zipper wale sleepsuits best hain – buttons se jhanjhat nahi.

Kya Nahin Chahiye?

Bohot sare heavy sweaters (baby ko layer karna better hai)
Jeans ya stiff pants (newborn ko flexible hona chahiye)
Zyada fancy frocks jo uncomfortable hon

Total kapde: 20‑25 pieces se zyada mat rakho first month ke liye. Baby tezi se grow karta hai, next size ki shopping jald karni padegi.

Aur haan, jab bhi hamare yahan se kharido, size guide check karo aur agar quantity zyada chahiye to bulk order bhi lete hain (schools, hospitals ke liye). Bas WhatsApp kar do.